Аймақ негізгі мектебінде бастауыш сыныптар арасында «Күз аруы – 2022» байқауы өтті. «Жастар жылы» аясында қазіргі қазақ қыздарының жан дүниесіндегі көркемдік талғамын қалыптастырып, ұлттық тәрбиеге лайықты сұлу болмысын танытуға бағытталған байқауға мектебіміздің кішкентай ханшайымдары қатысты.
Сайыс ережесі бойынша қатысушылар «Сәлем – сөздің анасы», «Өнерлі-өрге жүзер», «Тапқыр болсаң-тауып көр», "Суреттер сыр шертеді" атты сындардан өтті.
Арулар сөз мәдениетін танытып, ұлттық киімдер үлгісі мен өнерін, білім деңгейін көрсетті.
Қатысушыларға «Күз көзайымы», «Парасатты ару» және «Өнерлі ару» сынды номинациялар беріліп, олар ұйымдастырушылар дипломына ие болды.
