Қазан айының басындағы мереке- Қарттар күнін ерекше атап өту жақсы дәстүрге айналған. Бұл күн құрметке лайық, даналықтары мол, төзімді жандарға арналған.
Қарттар күні- жарқын мереке, ата- әжелеріміздің мерекесі. Бұл мереке қоғамды ғана емес, қамқорлық пен ілтипатты қажет ететін адамдардың бар екенін еске салады. Қарттар айлығының негізінде 6 қараша күні Мәдениет НМ-де "Қарттарым-асыл қазынам" атты мерекелік іс-шара өтті. Іс -шараға мектеп оқушылары белсене қатысып, өз өнерлерін көрсетті. Оқушылар келген қонақтарымызға өлеңдерін айтып, би биледі. Мектебіміздің директоры қарттарымызды құттықтап, жылы лебізін білдірді. Іс-шара жақсы деңгейде өтті. Қарттарымыз ризашылықтарын білдіріп, оқушыларымызға баталарын берді.
