Оқырмандарға кітаптың адам өміріндегі маңызы, балаларды кітап күнінің шығу тарихымен таныстыру және кітапқа деген қызығушылығын арттыру, білімге деген құштарлығын ояту, кітапты сүюге, таза ұстауға тәрбиелеу мақсатында өткізілді. Аймақ ауылдық кітапханасында 2- сәуір - Халықаралық балалар кітабы күніне орай Аймақ негізгі мектеп 2,4 сынып оқушылар қатысуымен «Әр түрлі кітаптар әлемі» атты іс-шара және кітап көрмесі өтті.
Іс-шара барысында балалар кітап туралы тақпақтарды жатқа айтып, танымдық көрініс көрсетті. Кітапханашы жаңа кітаптар көрмесімен және балаларға арналған әдебиеттермен таныстырып, жұмбақтар жасырды.
Кітапханашы «Мұндай шаралар өскелең ұрпақтың кітап оқуға қызығушылығын арттырады» деген пікірін білдірді.
